keyboard_arrow_left Back to blogs

Introducing the Update of Chate Sat Verification System

# freelancing # chatesat
visibility

46594


“ချိတ်ဆက်”နဲ့အတူ လက်တွဲလုပ်ကိုင်နေကြတဲ့ Freelancer (အလွတ်တန်းပညာရှင်) တွေနဲ့ Client (လုပ်ငန်းရှင်) တွေကြား ယုံကြည်မှုတိုးမြင့်စေဖို့နဲ့ မှန်ကန်တဲ့ အချက်အလက်တွေ ဖြစ်ပေါ်လာဖို့အတွက် ဒီ Verification System ကိုထည့်သွင်းလိုက်ရတာဖြစ်ပါတယ်။ ဒီ System ဟာ Freelancer တွေအတွက် လိုအပ်မှာဖြစ်ပြီး Freelancer Profile တခုတည်ဆောက်ရာမှာ အရေးကြီးတဲ့ အချက်အလက်များကိုသာ ဖြည့်စွက်ဖို့ တောင်းခံထားခြင်းဖြစ်ပါတယ်။ 


Freelancer Verified Account ဖြစ်ဖို့အတွက် အောက်မှာဖော်ပြထားတဲ့အချက်အလက်တွေကို Freelancer များက ပြည့်စုံစွာ ဖြည့်စွက်ထားဖို့ လိုအပ်ပါတယ်။ မဖြည့်စွက်ထားသော Verified account မဟုတ်တဲ့ Freelancer တွေကတော့ Project တွေကို လုံးဝလျှောက်ထားလို့ရမှာမဟုတ်တဲ့အတွက် ဖြည့်စွက်ပေးဖို့ တိုက်တွန်းလိုပါတယ်။ ဒါကြောင့် Freelancer Account တခုဖွင့်လိုက်တာနဲ့ အောက်ဖော်ပြပါ အချက်အလက်တွေကို ဖြည့်စွက်ပြီး Verified Account ဖြစ်ဖို့ စောင့်ဆိုင်းပေးရမှာပါ။ 


မဖြစ်မနေဖြည့်စွက်ရမယ့် အချက်အလက်တွေကတော့


  1. Name - မိမိရဲ့အမည်ကို သေချာစွာထည့်သွင်းပါ။ မောင်/ မ/ ဦး/ ဒေါ် စတဲ့ လိင်ညွှန်းပစ္စည်းများထည့်သွင်းလည်းရပါတယ်။


  1. Phone Number - ဖုန်းနံပါတ်ကို မှန်ကန်စွာဖြည့်သွင်းပါ။ မြန်မာနိုင်ငံသားများအတွက် ဖုန်းနံပါတတ်ရှေ့တွင် 09 နှင့်သာ ဖြည့်စွက်ပါ။ အခြားနိုင်ငံများအတွက် နိုင်ငံကုဒ်အား ဖြည့်သွင်းပါ။


  1. Mail Address - မိမိအသုံးပြုနေကျဖြစ်သော Gmail / Email/ Outlook mail စတာတွေကို သုံးစွဲနိုင်ပါတယ်။ 


  1. Address - မိမိ၏ နေရပ်လိပ်စာကိုထည့်သွင်းပေးပါ။ အိမ်နံပါတ်၊ လမ်းအမည်စသည်တို့အတိအကျမလိုသော်လည်း မြို့နယ်နှင့် ပြည်နယ်/ တိုင်းများဖြည့်ရန်လိုအပ်ပါတယ်။ 


  1. Overview - အလုပ်နှင့်ပတ်သတ်ပြီး မိမိရဲ့အကြောင်းအရာတွေကို ဖြည့်စွက်ရမှာပါ။ ဖြည့်စွက်ရမယ့် နမူနာပုံစံကိုလည်း ဖြည့်တဲ့နေရာမှာ ပြပေးထားပါတယ်။ [ချိတ်ဆက်ရဲ့ Terms & Condition အရ Overview မှာ Phone Number, Mail, Social Media Link စတဲ့ ဆက်သွယ်လို့ရမယ့်အချက်အလက်တွေကို ထည့်သွင်းဖော်ပြခွင့်မပြုပါဘူး]


  1. Services & Skills (Category, Sub-category, Service, Skills) ဒီအချက်အလက်တွေမှာတော့ မိမိအနေနဲ့တကယ်ကို လုပ်ကိုင်နိုင်တဲ့အရာတွေကို ရွေးချယ်ထည့်သွင်းနိုင်ပါတယ်။ တခုသတိထားရမှာက ဒီအချက်အလက်တွေဟာ နံပါတ် 5 အချက်က Overview မှာရေးထားတဲ့အချက်အလက်တွေနဲ့ ကိုက်ညီမှုရှိနေရမှာပါ။ ဥပမာ - မိမိက Content Writing နဲ့ပတ်သတ်တာတွေ ရွေးချယ်ထည့်သွင်းထားတယ်ဆိုရင် Overview မှာလည်း Content Writing နဲ့ပတ်သတ်တာတွေကို ရေးသားပေးရမှာပါ။ ဒီလိုမဟုတ်ဘဲ Overview မှာ Design ဆွဲထားတဲ့အကြောင်းတွေပဲရေးထားတယ်ဆိုရင်တော့ ကိုက်ညီမှုမရှိဘူးလို့ပြောနိုင်ပါတယ်။ 


အထက်ဖော်ပြပါ အချက်အလက်တွေတွေထဲမှာ နံပါတ် 1, 5 နဲ့ 6 တို့ဟာ လုပ်ငန်းရှင်တွေဘက်က တိုက်ရိုက်တွေ့မြင်ရမယ့်အချက်အလက်တွေဖြစ်ပြီး နံပါတ် 2, 3 နဲ့ 4 တို့ဟာ ချိတ််ဆက်က တာဝန်ရှိသူများသာ သိရှိထားမှာဖြစ်တဲ့အတွက် မိမိတို့ပုဂ္ဂိုလ်ရေးအချက်အလက်တွေ လုံခြုံဖို့ စိတ်ချထားနိုင်ပါတယ်။ အထက်ဖော်ပြပါ 6 ချက်ကို မဖြစ်မနေဖြည့်သွင်းမှသာ Verified Account ဖြစ်မှာဖြစ်ပါတယ်။ ဒီအချက်တွေ ပြည့်စုံသွားပြီဆိုရင်တော့ Working Day ၃ရက်ကနေ တပတ်အတွင်း စောင့်ဆိုင်းပေးရမှာပါ။ ချိတ်ဆက်က တာဝန်ရှိသူများက အကောင့်တခုချင်းစီကို စစ်ဆေးပေးပြီး Verify ဖြစ်/ မဖြစ်ကို [email protected] ကနေ Email ပေးပို့အကြောင်းကြားပေးမှာဖြစ်ပါတယ်။ Verify မဖြစ်ပါက မည်သည့်အချက်ကြောင့်မဖြစ်ကြောင်းနဲ့ ပြန်ပြင်ဆင်ပေးရမယ့်အကြောင်းကို အသေးစိတ် Email ထဲမှာရေးသားပေးပို့ပေးမှာပါ။ Verify ဖြစ်သွားရင်တော့ Project တွေကိုလျှောက်လို့ရသွားမှာဖြစ်ပါတယ်။ 



မဖြစ်မနေမဟုတ်သော်လည်း ထည့်သွင်းသင့်တဲ့ အချက်အလက်တွေကို ထပ်မံရှင်းပြပေးချင်ပါတယ်။ 


  1. Profile Picture - ဒီပုံကိုတော့ လုပ်ငန်းရှင်များက တိုက်ရိုက်မြင်တွေ့နိုင်မှာပါ။ မိမိကိုယုံကြည်မှုပိုတိုးစေဖို့ မျက်နှာကိုဖော်ပြခြင်းက ပိုမိုသင့်တော်ကောင်းမွန်ပါတယ်။ လိုင်စင်ပုံကဲ့သို့ အတည်ပုံမျိုးမဟုတ်လည်း Portrait Photo လိုမျိုးလှလှပပ‌လေးတွေ ထည့်သွင်းလို့ရပါတယ်။


  1. ဘဏ်အကောင့်ကိုလည့်းထည့်သွင်းနိုင်ပါတယ်။ Project တွေလျှောက်ထားနိုင်ဖို့ လတ်တလောမလိုအပ်ပေမယ့် အကယ်၍ Project ရခဲ့တဲ့အခါ အလုပ်ပြီးမြောက်သွားချိန်မှာ ချိတ်ဆက်ဘက်က Bank အကောင့်ကို Transfer လုပ်တဲ့အခါလိုအပ်မှာမို့လို့ဖြစ်ပါတယ်။ CB, AYA, KBZ တို့ထဲမှာ အဆင်ပြေရာကိုထည့်သွင်းထားနိုင်ပါတယ်။ မိမိကိုယ်ပိုင်အကောင့်မရှိခဲ့ပါက မိသားစုထဲက စိတ်ချယုံကြည်ရသူအကောင့်ကို ထည့်သွင်းထားနိုင်ပါတယ်။ ဘဏ်အကောင့်ကိုလည်း ချိတ်ဆက်မှ တာဝန်ရှိသူများကသာ သိရှိထားမှာ ဖြစ်ပါတယ်။ 


  1. Portfolio - Portfolio ကို လုပ်ငန်းရှင်များက မြင်တွေ့နိုင်ပါတယ်။ Portfolio ဆိုတာက မိမိရဲ့လုပ်ရည်ကိုင်ရည်ကိုလည်း ပိုပြီးပြသလို့ကောင်းတဲ့အတွက် တင်ထားရင် ပိုကောင်းပါတယ်။ ဥပမာ မိမိဟာ Graphic Designer တယောက်ဆိုရင် အရင်က ဆွဲဖူးတာ၊ ဝါဿနာအလျှောက်ဆွဲဖူးတာ စတဲ့ ပုံတွေကို ပြသတာမျိုး၊ Content Writer တယောက်ဆိုရင် အရင်က ရေးခဲ့ဖူးတဲ့စာကို ပြသတာမျိုး စတာတွေကို ထည့်သွင်းလို့ရပါတယ်။ Marketing နယ်ပယ်၊ Accountant နယ်ပယ်ကလာတဲ့ Freelancer တွေဆိုရင် CV form ကိုထည့်သွင်းလို့ရပါတယ်။ ထိုအရာတွေကို Word, PDF, JPEG စတဲ့ဖိုင်တွေနဲ့ Attach တွဲထည်နိုင်ပါတယ်။ 

[ချိတ်ဆက်ရဲ့ Terms & Condition အရ Portfolio မှာ Phone Number, Mail, Social Media Link စတဲ့ ဆက်သွယ်လို့ရမယ့်အချက်အလက်တွေကို ထည့်သွင်းဖော်ပြခွင့်မပြုပါဘူး။ CV form လိုမျိုးတင်တဲ့အခါမှာလည်း ထိုအချက်အလက်တွေကို ဖြုတ်ပေးပါ။ ]



အသေးစိတ် သိရှိလိုပါက ချိတ်ဆက်ရဲ့ ဖုန်းနံပါတ် 09 780 175330 ကို ဆက်သွယ်မေးမြန်းနိုင်ပါတယ်။ 



© 2016-2022 Technoholic Pte.Ltd . All rights reserved.